غرفة الأشـباح (قصة كاملة)
انا النهاردة كنت نايمة عند اختي المتجوزة من شوية وقت حسيت بالعطش و كـنت نازلة اشرب مايه، سمعت حماة اختي وبنتها الكبيرة بيتكلموا بصوت واطي و بيحكو في حاجة، وانا سمـعتهم غصب عني وهي بتقول لبنتها يا بنت انتي وديتي المفتاح بتاع الاوضة اياها فين؟ ردت عليها البنت وقالت انا حطاه ف علبة الشاي جوا كيس فالدولاب عندك فالمطبخ
ف امها ردت بقلق وقالت لها اوعي يكون حدك شافك وانتي داخلة الاوضة! ردت عليها بنتها وقالتلها لأ اطمني ومشيت….!!
ف انا حسيت بفضول كبير وأول ماطلعت عند اختي سألتها هي الاوضة المقفولة اللي فالدور دا فيها ايه؟ قالتلي اختي انا مش عارفة لإني من يوم ما اتجوزت وهما مش راضيين يقولو فيها ايه حتى، دا حتى جوزي مايعرفش وحاول يدخلها اكتر من مرة بس مكنش بيلاقي المفتاح بتاعها و حماتي مش راضية تخلينا نـدخلهـا!!
ف انا سكت ومحبتش اقولها اني عـرفت المفتاح فين و جوزها كان هيغيب بحكم شغله الليلة ف انا فكرت اني ادخلها واروح اعرف فيها ايه، حسيت بخوف لـكن الفضول كان اكبر، مع العلم ان هما نايمين تحت فالطابق الاول و اوضة اختي فالطابق الثاني وفي النهاية قررت أفتحها و انا قلقانه و جسمي كله كان مــنـــمل و مــتــلج من الخـوف فتحت الباب و لسه هشغل النور اتفاجئت ب أخـت جوز اختي بتقولي انتي بتعملي ايه؟ حاولت اتماسك و قولتلها ابداً مفيش انا بدور علي اي كشاف علشان النور كل شويه يـقطـع،،اتعصبت وصوتها كان عالي و قالتلي مش المفروض تستأذني الأول صـوتـ.ـنا كـان عالي،، و اللي في البيت صحيو لقيت اختي بتقولي فيه ايه و ليه انتي هـنا؟؟
رديت بسرعة بديهة،، وقولتلها انا كنت بدور علي الكشاف زي ما انتي قولتيلي و غمزتلها علشان تفهم!! وهي فهمتني بسرعة وقالتلي الكشاف مش هنا يا حبيبتي الأوضه دي مفيش حد بيدخلها و متسألنيش ليه علشان انا معرفش واخت جـوز اختي قالتلي مش من حقك تتـمشي في البيت انتي مجرد ضيفه هنا و عـ.ـيــب اللي بتعمليه ده.. كلامها كان رخم وطبعاً كنت مـ.غــ.ـلوله منها جداً و عاوزه اقولها ده بيت اختي ومحدش ليه حق يتكلم معايا كدة…
قررت اسكت عشان خاطر اختي، لكن ابنها مسـكتش واتكلم و قال لأمه لا مينفعش اللي بتقوليه دا لأنها مش ضيفه عندنا والبيت بيت اختها يعني بيتها طبعاً ،، اختـه طبعا مسكتتش و قالتله مينفعش تتكلم مع أمك بالإسلوب دا علشان دي و كان واضح من اسلوبها هي و امها انهم بيعملو كده علشان بيحاولوا يعملوا مشكلة لأختي من تاني حاولت اهدي الموضوع و اعتذرت و قولت انا مكنش قصدي حاجه والموضوع سوء تفاهم. لإني مش بحب اني اقعد في الضلمه و بيجيلي ضيق تنفس و غيرنا الموضوع لكن نظرات البنت ليا كانت كلها شر وغل و مش عاوزه تعدي الموضوع بالسهل وكانت عاوزاني امشي من البيت كله لكن انا مدتلهاش الفرصة دي، و المهم كل واحد رجع على اوضته الا البنت دي فضلت صاحيه و قاعده في الصاله.
انا اتسحبت بهدوء و رجعت المفتاح مكانه و لما رجعت لأختي علشان انام جنبها لقيت البنت دي بتقول لجوز اختي هي فتحت الاوضه ازاي و جابت المفتاح منين؟ البنت دي بتتجسس علينا و صوتها كان عالـي جداً كلنا صحينا من النوم و خرجت انا و اختي… ف اختي سألتني باستغراب انتي إزاي فتحتي الاوضه؟ جاتلي فكره بسرعة و قولتلها الاوضه كانت مفتوحه اصلا. وانا مجرد ما فتحت الأوكره لقيت الباب اتفتح عادي.. ف حماة اختي قالت لبنتها الظاهر انا اخر مره فتحت الباب و نسيت
اقفل الباب بالكالون لإن انا اخر واحده فتحت الباب.
سبحان الله ربنا عماهم و الموضوع عدي على خير خلاص لكن انا خوفت اكتر علي اختي و قولت لازم الأوضه دي تتفتح لإن السر اللي في الاوضه ده اكيد كبير، وفي حاجه غلط بتحصل و لازم جوزك ياخد موقف منهم ويقدر يفتحها.. المهم اختي قالتلي انا الفضول شاغلتي اكتر منك.لكن لازم نستخدم عقلنا و نفكر بهدوء ونفتح الاوضه من غير ما حد منهم يحس بحاجة و الأهم اننا نكون لوحدنا ف وقتها، قولتلها انا عارفه مكان المفتاح لكن اكيد دلوقتي غيروا مكانه دلوقتي.
بعد يومين من الموضوع دا كانت اختي فضلت تزن على جوزها إنه لازم نفتح الأوضه والا همشي من هنا و مش هرجع البيت ده تاني لإني مش حاسه بأمان، وانا بكلمه و اختي بكلمه و هو كان مصمم إنه ميفتحش الاوضه، اليوم عدا و مش قادرين نقنع جوز اختي خالص لإن شخصيته ضعيفه مع امه. وجه الليل واختي و جوزها كانو نايمين و انا صاحيه وسمعت صوت خطوات حد بيتحسب مش بيمشي طبيعي، ببص لقيت حــماة اختي و بنتها فاتحين الاوضه قولت اروح وهدخل عليهم بشكل مفاجئ و اشوف الاوضه فيها ايه لكن كنت متردده وخايفة بس فضلت اقرب من الأوضة علشان اشوف فيها ايه من بعيد فجأه; لقيت البنت اخت جوز اختي بتقولي انتي مفكرة اننا مش شايفنك؟ تعالي ارتاحي وشوفي احنا بنعمل ايه تعالي علشان تطمني..
قولتلها لا و قلبي كان هـيقف من الخوف ورجعت لأختي بسرعة و قولتلها اصحي لإنهم فاتحين الأوضه تعالي
نشوف بيعملو ايه جواها، اختي نزلت معايا وقررنا نروح نشوف فيه ايه، بس المفاجأة إني لقيت الباب مقفول و مفيش
حد جوه الأوضة!! ف اختي خدتني وروحنا لحماتها وقولنالها تورينا الأوضه فيها ايه اختي قالت لحماتها لو سمحتي افتحي الأوضه علشان عاوزين نشوف فيها ايه. اخت جوزها ردت وقالت احنا قفلناها و بعدين انا قولت لأختك تيجي تشوف الاوضه قالتلي لا و جـريـت،، اختي استغربت وقالتلها هي الاوضه فيها ايه احكيلي؟ ردت بكل ثقة و قالتلها فيها جهازي كله و لما اتجوز الاوضه هتتفتح و مش هتتقفل تاني قولتلها طيب عاوزه اشوف جهازك قالتلي بصراحه انا بخاف من الحسد ف متزعليش لإن انا أقل نظره بتأثر عليا، وطبعا الكلام دا خلاني انا واختي نحس بالإحراج.
قضينا اليوم وعدي عادي زي اللي قبله و بعدها سمعت حماة اختي و هي بتقول لبنتها متنسيش
احنا هنسافر اسوان الاسبوع الجاي متنسيش تجهزي نفسك وإقفـلـي الأوضة بالمفتاح وأكدي علي الباب كويس، سمعت الحوار ده و قولت لأختي اللي سمعته بالتفصيل، واختي قالتلي هتبقي فرصه اننا نفتح الباب ونشوف فيه ايه جوا الأوضة دي . المهم فضلنا نفكر في اي فكرة تخلينا نفتح الباب من غير ما حد ياخد باله ووصلنا لفكرة كويسة.
قولت لأختي انتي فهمي جوزك اننا هنروح لماما وهنقعد عندها فترة اسبوع او 10 ايام و بالفعل اختي قالت لجوزها ع الموضوع ده ونزلنا ناكل كلنا مع بعض و الكلام جاب بعضه وحماة اختي عرفت اننا هنروح لماما و هنقعد معاها عشر ايام، ف اتطمنت و قالتلنا تروحو و ترجعـو بالسلامه. اختي جهزت شنطة هـدومهـا هدومي و مشينا تاني يوم وحماة اختي وبنتها مشيو برضو على اسوان والبيت كان فضي فعلاً مشينا و اتأكدنا ان حماة اختي و بنتها سافرو على اسوان ورجعنا البيت بالليل وبعد ما فتحنا الاوضه لقيناها الأوضه مفهاش اكسچين خالص ، شغلنا النور و كانت المفاجأة
كان فيه كلاب وقطط لـونها إسود. متـ.ـحــ.ــنطه ومكتوب على الحيطان كتـابات غريبه اكتشفت انها طـ.ـلا ســـ.ـم
و اتأكدت اكتر لما لقيت صور بــ مع خطيبها و متــ.ـخيــ.ـطين و عليهم نقط و عليهم اقفال و لقينا بخور ريحته صـعبه جدا ، واتأكدت اكتر ان ده اسحار لما لقيت ملابس!! تمت …..
